Psalms 36
Ya Mukulu wa Bayimbi. Zabbuli ya Dawudi.
1 aNnina obubaka mu mutima gwangeobukwata ku bwonoonyi bw’omukozi w’ebibi.
N’okutya
tatya Katonda.
2Ye nga bw’alaba yeewaanawaana n’atasobola kutegeera
oba okukyawa ekibi kye.
3 bEbigambo ebiva mu kamwa ke biba bibi era nga bya bulimba;
takyalina magezi era takyakola birungi.
4 cNe ku kitanda kye afumiitiriza ebibi by’anaakola;
amalirira okutambuliranga mu kkubo ekyamu,
era ebitali bituufu tabyewala.
5Okwagala kwo, Ayi Mukama, kutuuka ne ku ggulu;
obwesigwa bwo butuuka ku bire.
6 dObutuukirivu bwo bugulumivu ng’agasozi aganene,
n’obwenkanya bwo buwanvu nnyo ng’ennyanja ennene ennyo.
Ayi Mukama, olabirira abantu n’ebisolo.
7 eOkwagala kwo okutaggwaawo nga tekugeraageranyizika.
Ab’ebitiibwa n’abatali ba bitiibwa
baddukira mu biwaawaatiro byo.
8 fBalya ku bingi eby’omu nnyumba yo ne bakkuta;
obawa ebyokunywa by’omugga gwo ogwesiimisa.
9 gKubanga gw’olina ensulo ey’obulamu,
era gw’otwakiza omusana.
10Yongeranga okwagala abo abakutegeera,
era n’obutuukirivu bwo eri abo abalina emitima emirongoofu.
11Ab’amalala baleme okunninnyirira,
wadde ababi okunsindiikiriza.
12 hLaba, ababi nga bwe bagudde!
Basuuliddwa wansi era tebasobola na ku golokokawo.
Copyright information for
LugEEEE